Shirdi Sai Baba Message

குருவே கடவுள் என்ற திடமான நம்பிக்கை வேண்டும் ‌!!

மனிதனாக பிறப்பதே மிக மிக அரிது. அப்படி பிறந்தும் கடவுள் பூஜை ஒருவேளையாவது செய்ய வேண்டும்.  அப்படிச் செய்யாவிடில், அவன் பிறப்பு வீண்; அவன் நரகமே செல்வான். பூஜைகள் எல்லாவற்றிலும் "குருபூஜை"யே மிகச் சிறந்தது. அதனால் மும்மூர்த்திகளும் சந்தோஷம் அடைவார்கள். ஆனால் கலியுகத்தில் மனிதர்களுக்கு 'குருவே' கடவுள் என்ற எண்ணம் ஏற்படுவது கடினம். இந்த திண்ணமான எண்ணம் ஏற்படுவதற்கு திடமான நம்பிக்கை வேண்டும்.

- ஸ்ரீகுரு சரித்திரம்

Shirdi Sai Baba Message

 குருவினிடத்தில் பக்தி பா(BHA)வமும் கரைகாணாத அன்பும் அசையாத நிட்டையும் இல்லையெனில்,ஆறு உள் எதிரிகளை (காமம்,கோபம்,லோபம்,மோஹம்,மதம்,மாச்சரியம்)வெல்லமுடியாது;அஷ்டபா(BHA)வங்களை அடையவும் முடியாது.

 ஸ்ரீமத் ஸாயீராமாயணம் 

Shirdi Sai Baba Message

 அன்பு கலந்த பக்தியும், நம்பிக்கை நிறைந்த சரணாகதியுமே எனக்கு சந்தோஷம் !

"சிலர் என் பாதத்தில் பொன்னையும் பொருளையும் கொண்டுவந்து அர்ப்பணிக்கிறார்கள்.  உண்மையான பக்தி இல்லாத, செல்வச் செழிப்பின் அஹங்காரம் மட்டுமே நிறைந்த அந்த பரிசுகளை நான் எப்படி ஏற்பேன் ?. ஜெகன்நாதனாகிய எனக்கு அந்த பரிசுகள் தேவையா ? என்னைப்பற்றிய அவர்களின் அறியாமையை நினைத்தால் வருத்தம்தான் வருகிறது.  ஆனால் , பரிசுத்தமான பக்தி நிறைந்து கண்ணீர் மல்க, நம்பிக்கையோடு நீ என்னிடம் வந்து சரணாகதி செய்வதுதான் எனக்கு மிகுந்த சந்தோஷத்தை கொடுக்கிறது.  அன்புடன் நீ அளிக்கும் ஒரு சிறு மலர், ஒரு கோப்பை தேநீர்தான் எனக்கு அத்தனை உயர் செல்வங்களைக் காட்டிலும் மேன்மையானதாக உணர்கிறேன்."

- ஸ்ரீ ஷீரடி சாய் பாபாவின் திருவாய்மொழி நல்லமுத்துக்களாக